Tha̍k oân tsit-pún tsheh,guá kám-kak tse sī tsi̍t-pún hó tsheh,tsi̍t-pún tsheh sī tui tsok-tsiá khah-tsá khan tī pòo-tsuá tíng-kuân ê bûn-tsiunn sóo tsi̍p-ha̍p khí-lâi ê tsheh.Lāi-té ū tsi̍t-kuá kám-tōng lâng ê kòo-sū iā-ū siā-huē ê tsin-si̍t ê tāi-tsì.
Kî-tiong ū tsi̍t phinn kòo-sū sī siá tsok-tsiá ê lāu-su tuì ha̍k-sing ê ài kah kuan-sim hōo ta̍k-ke lóng tuì-i tsin tsun-kìng ,it-ti̍t kàu tsuè-āu i bē kuè-óng ê sî-tsūn,i hōo tsok-tsiá tsi̍t-pún miâ-tsheh,kiò tsok-tsiá kah hia ê lâng lóng tshuē lâi,āu-lâi miâ-tsheh lāi-té sóo-ū ha̍k-sing lóng puê-phuānn tiàm i-ê sing-khu pinn,tshun tsi̍t-ê kiò-tsòo Iûnn-hàn-ui ê ha̍k-sing sī tshuē-bôo lâng,āu-lâi lāu-su kio tsok-tsiá kuè-khì i-ê bîn-tshn̂g pinn,lāu-su ti i-ê hīnn-khang pinn kóng "tē jī-tsa̍p-it iā" ,ha̍k-sing han kuè lāu-su sóo-ū ê tsū-tsok ê tē jī-tsa̍p-it iā lóng tshue bô kah Iûnn-hàn-ui ū kuan-hē ê mi̍h-kiānn,king-kuè thàu--kuè muî-thé ê hia̍p-tsōo,tsuè-āu Iûnn-hàn-ui tsin-tsiànn tshut-hiān-a,i kín-khì pēnn-pâng khuànn lāu-su ,i tsi̍t kìnn-bīn tioh kah lāu-su kóng i bô oh-phiánn,lāu-su tsin huann-hí,guân-lâi i-sī lāu-su tī-leh i kok-tiong ê sî,lóng ê kiò i khì lāu-su ê gián-kiù-sik,kà-i tha̍k-tsheh ê ha̍k-sing,āu-lâi lāu-su kiò i hian khui ing-bûn khòo-pún ê tē jī-tsa̍p-it iā,kiò i liam ing-bûn hōo i thiann. Bué-á lāu-su kiò ta̍k-ke ē-sái tńg-khì-tshù a ,i tsuè-āu koh tsi̍t-pái kiò Iûnn-hàn-ui ,kán-ná ū uē bē kóng,Iûnn-hàn-ui tioh kuè-khì i hia,lāu-su tsuè-āu kóng tsi̍t-kù "tsài-kiàn！" tioh lî-khui-a.
Tsi̍t-ê kòo-sū hōo guá khuànn kàu lâu-ba̍k-sái,khuànn ê tshut lāu-su tuì ha̍k-sing ê ài kah kuan-sim iā koh-ū kî-thāi. Guá tsin-sim thui-tsiàn tsit-pún-tsheh.
留言列表
維尼世界