我欲介紹的一本冊叫做「玉山魂」，作者是霍斯陸曼˙伐伐 (王新明)，這是一本描寫有關布農族當地的故事，內容包含布農族ê生活、環境、祭典、文化ê冊，作者本身就是布農族的原住民，霍斯陸曼˙伐伐捌說過一句話：「寫作是為著走揣轉去厝ê路」，他ê一句話嘛代表原住民文化受著外來ê壓力佮外來強勢文化逼壓，造成原住民ê文化，越來越看無，強欲消失去。
作者設定一个叫作烏瑪斯ê查埔囡仔做主角，對細漢開始到做人爸爸ê每一个過程，所接觸ê祭典kap儀式，一點一滴描寫出來。
首先是細漢時，對囡仔人ê觀點看大人ê世界，定定有真濟無法度理解ê所在，毋過攏是頭目講ê准算，無法度反抗、無法度辯解，只有恬恬接受對古早流傳落來ê規矩，也運用囡仔人ê無知，不斷來問序大人，佇序大人慢慢解說予囡仔人聽ê同時，順紲嘛會使予讀者了解。這是一種趣味ê寫法，看起來阮敢若是第三者，其實阮嘛是佇故事內底，做伙leh聽族人講故事ê參與者。
查埔囡仔嘛是會大漢，對一个啥攏毋知ê囡仔庀到勇敢衝第一ê勇士，必需要經過重重ê考驗kap祭典ê經歷，親像開墾祭kap播種祭，種種有關農作kap打獵ê祭典，族人攏真重視每一個細節，尤其是對祖靈祈求順利豐收ê時陣，袂使有任何無尊敬ê行為，有時囡仔人愛閃避；有時查某人愛閃避；也有當時囡仔人kap查某人攏愛閃避，袂當有任何ê差錯，因為遐ê祭典攏代表對祖靈ê尊敬也代表著部落一年ê收成。
「無所不在。有太陽的地方，祂們存在；有月亮的地方，祂們存在；空氣流動的地方，有祖靈；山林的最深處，有祖靈；翠綠的草原，有祖靈；綿延到天邊的河流，有祖靈。只要心靈感覺得到的地方，祖靈都在那裡。」自較早到旦，我對原住民ê信仰就真有興趣，感覺怹ê祖靈信仰是一種特別的文化，其中冊中有講到這段文字，我認為簡單幾個字，就會使來形容布農族對祖靈的信仰精神。
也因為怹認為祖靈「無所不在」，無形中有約束ê作用，比喻講怹對打獵嘛有怹ê堅持，怹就算猶閣有真濟ê獵物等怹去抓，怹嘛袂痟貪，頭目會對族人講：「繼續打獵，只是貪心ê行為，按呢明年凡勢得袂著祖靈ê祝福」怹捌愛為著明仔載保留ê觀念，是真可貴ê！咱平地人嘛應該愛學習怹ê這種態度，才是真正愛台灣ê表現！祖靈信仰對族人ê影響毋但按呢，也約束歸个族群ê行為，怹認為祖靈是天頂ê星，時時都leh注意族人ê表現，會使得到祝福猶是詛咒，全部攏是因為個人ê行為來改變，無形中嘛有教化ê作用。
另外布農族ê嫁娶文化嘛是真特殊，女方欲嫁出去ê時，會順紲娶一位kah細漢ê後生或者是查某囡做伴嫁，避免「遠方來ê查某囝」予人欺負。這是一種真特別ê風俗，佇一般民族文化中是看無ê。
若是講著布農族，絕對袂使無講著「打耳祭」，打耳祭是打山羌、山鹿ê耳仔，佇彼工所有ê查埔會做伙練習射箭ê技術，互相交換經驗，做伙食肉kap祭拜狩獵ê器具，表示尊敬。打耳祭一開始是對傷細ê囡仔，開始進行，每一位只會當射一擺，必須愛一擺就射著，若是無達到，代表囡仔會早死。傷特別的是傷細漢ê囡仔射箭，只會當射山羌kap山鹿耳，若射著山豬ê耳仔，代表大漢後，萬項代誌攏會驚惶，毋敢上山去打獵；若是打著山羊ê耳仔，就會引來詛咒。毋過序大人為著保護囡仔，攏會kap囡仔抱到khan近ê所在，予囡仔順利射著山羌、山鹿ê耳仔，映望囡仔勇敢平安大漢。
每一個勇士攏是細漢囡仔大漢ê，主角烏瑪斯經過遮爾濟ê考驗，伊嘛變做勇士，變做囡仔ê爸爸，故事最後寫著烏瑪斯kap族人共同迎接部落ê新生命，重新閣一擺ê「生之祭」，長老佇向祖靈祈福時，特別向祖靈祈求，映望新生兒以後ê聲望會當像Savah(玉山)仝款懸，就按呢轉來到頭先開始ê畫面，敢若是比喻性命ê傳承，不斷傳落去ê感覺。
布農族有一種樂觀ê生活態度，可能是kap怹ê生活環境有關係，就連打獵攏會過慮著生態ê維持，性命ê延續，祖靈信仰更加是怹一世人ê倚靠，而且佇尊重祖靈信仰ê同時，也兼顧著代代ê文化傳承。
留言列表
維尼世界